Þegar þetta er skrifað hef ég hlaupið 97 fjallvegi frá því að Fjallvegahlaupaverkefnið hófst sumarið 2007. Þrír síðustu fjallvegirnir verða hlaupnir á næstu sjö dögum – og þar með lýkur þessari 20 ára vegferð. Dagskrá þessara síðustu daga er sem hér segir:

98. Sunnudag 2. ágúst kl. 10:00:
    Húksleið frá Brandagili í Hrútafirði að Húki í Miðfirði (um 9 km).
99. Miðvikudag 5. ágúst kl. 14:00: 
    Fagranesskarð, þvert yfir Langanesið frá Hlíð í Þistilfirði að Fagranesi við Bakkaflóa (um 11 km).
100. Laugardag 8. ágúst kl. 10:00: 
     Heljardalsheiði frá Laufskálarétt í Hjaltadal að Atlastöðum í Svarfaðardal (um 26 km).
     (ATH: Breyttur upphafsstaður og vegalengd)!

Hlaupið yfir Heljardalsheiði verður sem sagt 100. fjallvegahlaupið frá upphafi – og að hlaupi loknu verður þeim tímamótum fagnað á Dalvík.

Eins og áður er öllum velkomið að hlaupa þessa fjallvegi með mér – á eigin ábyrgð.