Fagranesskarð

Staðsetning: frá Hlíð í Þistilfirði að Fagranesi við Bakkaflóa
Hnattstaða: 
Upphaf:          0,00 km ( 30 m), N66°15,34' - V15°06,01'
Þrílækir:                (160 m), N66°14,32' - V15°01,62'
Varp:                    (236 m), N66°13,63' - V15°00,15'
Lok:            11,00 km ( 30 m), N66°12,08' - V14°56,10'
Hæð y. sjó: 30 m við upphaf, 236 m hæst, 30 m við lok
Samanlögð hækkun: xxx m
Vegalengd: 11 km
Tími: x:xx:xx klst.
Meðalhraði: x,xx km/klst (x:xx mín/km)
Dags.: Líklega þriðjudag 30. júní eða miðvikudag 1. júlí
Hlaupafélagar: Vonandi sem flestir

Fróðleikur um leiðina (DRÖG):

Hlaupið hefst við bæinn Hlíð á Langanesi, u.þ.b. 15 km utan við Þórshöfn. Leiðin liggur til austsuðausturs beint upp hlíðina fyrir ofan bæinn og upp á Hlíðarfjall (233 m). Eftir það fer leiðin lítið eitt lækkandi og þar er sömu stefnu haldið í Fagranesskarð og síðan um Buga. Rétt þar hjá eru upptök Þrílækja í u.þ.b. 160 m hæð á vinstri hönd, en þeir renna niður í Eiðisvík. Leiðin fer svo hækkandi á ný, en hvergi er brattinn mikill. Sveigt er örlítið til hægri og hlaupið áfram til suðausturs upp í svonefnt Varp (236 m), sem er í rauninni skarð á milli Naustanna til vinstri (382 m) og Kistufjalls til hægri (444 m). Þar sameinast leiðin annarri gönguleið sem liggur upp frá Eiðisvatni. Frá Varpi liggur leiðin niður Bröttubrekku, sem er reyndar ekki sérlega brött. Krækt er norður fyrir enda Bæjarfjalls og þar tekin kröpp hægri beygja og síðasti spölurinn hlaupinn til suðurs að eyðibýlinu Fagranesi, þar sem hlaupið endar.

Hlíð er ysti bærinn á Langanesi með fasta búsetu. Þar er talsvert æðarvarp í hólmum úti á vötnum.

Fagranes var einn af fyrstu bæjunum á Langanesi sem fóru í eyði, en þar hefur ekki verið búið síðan 1939. Þar var tvíbýli á sínum tíma, enda þótti jörðin hentug fyrir sauðfjárbúskap. Hins vegar voru samgöngur erfiðar og ágangur sjávar mikill. Í sóknarlýsingu frá 1840 kemur m.a. fram „að rétt verði teymdur laus hestur milli bæjar og sjávar“, (HG, bls. 175) og sjálfsagt hefur brotnað talsvert úr sjávarbakkanum síðan þá.

Ferðasagan:  

Verður skráð að hlaupi loknu.

Lokaorð:

Verða skráð að hlaupi loknu.

Helstu heimildir:

  • Halldóra Gunnarsdóttir (o.fl.) (ritstj.) (2019): Útivist og afþreying 7. Gönguleiðakort. Atvinnuþróunarfélag Þingeyinga, Húsavík.
  • Hjörleifur Guttormsson (2013): Norðausturland. Árbók FÍ 2013. Ferðafélag Íslands, Reykjavík.
  • Langanesbyggð (2008): Gengið á Langanesinu. Frétt á heimasíðu 27. júní 2008. https://www.langanesbyggd.is/is/stjornsysla/frettir/gengid-a-langanesinu.